“Biliyini paylaş” layihəsinin iştirakçıları təltif olunub
Bakı Şəhəri üzrə Təhsil İdarəsi (BŞTİ) tərəfindən keçirilmiş “Biliyini paylaş” layihəsinin iştirakçıları mükafatlandırılıb.
Mükafatlandırma tədbirində BŞTİ-nin müdiri Mehriban Vəliyeva, İdarənin müvafiq struktur bölmə rəhbərləri, layihənin iştirakçısı olan mentor müəllimlər iştirak ediblər.
Tədbirdə BŞTİ-nin müdiri Mehriban Vəliyeva "Biliyini paylaş" layihəsinin keçirilməsində əsas məqsədin ümumi təhsil məktəblərində interaktiv və əsaslandırılmış tədrisə yönəlmiş layihəəsaslı öyrənmənin dərs prosesində tətbiqi ilə bağlı aktual məsələyə diqqətin artırılması, bu istiqamətdə yaradıcı və yenilikçi müəllimlərin qabaqcıl təcrübəsinin öyrənilməsindən ibarət olduğunu bildirib.
Məktəbin coğrafiya müəllimi Vəfa Süleymanova “Biliyini paylaş” layihəsində yüksək səviyyədə iştirakına və göstərdiyi fəallığa görə Diplom, omanda üzvləri Hümay Yunuszadə və Sevda Əliyeva Təşəkkürnamə ilə təltif olunub.
Məktəbin ingilis dili müəllimi Kəmalə Seyidova “Hekayəni Paylaş” müsabiqəsinin keçirilməsində göstərdiyi səmərəli fəaliyyətə görə Fəxri Fərmana layiq görülüb.
Müəllimlərimizi təbrik edir. Uğurlarının davamını diləyirik!
