Böyük ömrün dastanı
Tarixi şəxsiyyətləri tarix 100 min ildən bir yetişdirir. Biz çox xoşbəxt bir xalqıq ki, belə zəkalardan biri məhz bizim taleyimizə yazılmışdır. Heydər Əliyevin adı Azərbaycan xalqının tarixi salnaməsində qızıl hərflərlə həkk olunmuşdur.
Mayın 8-də məktəbin Azərbaycan dili və ədəbiyyatı müəllimi Səidə Sideifzadənin təşkilatçılığı ilə Ulu Öndər Heydər Əliyevin 100 illik yubileyinə həsr olunmuş Zəlimxan Yaqubun “Böyük ömrün dastanı” poeması əsasında tədbir keçirilib.
Tədbirdə əvvəlcə Ulu Öndərin ruhu 1 dəqiqəlik sükutla yad edilib və Heydər Əliyevin həyatını özündə əks etdirən videoçarx nümayiş olunub. Daha sonra VIII-XI sinif şagirdlərinin hazırladığı şeirlər, Heydər Əliyevin ifasında “Alagöz” mahnısı səsləndirilib. Bu musiqinin sədaları altında XIc sinif şagirdi Xankişiyeva Jalənin rəqsi maraqla qarşılanıb.
Sonda məktəbin direktoru çıxış edərək Ulu Öndər Heydər Əliyevin çoxşaxəli fəaliyyətindən, Azərbaycanın inkişafı və milli dövlətçiliyin gücləndirilməsi istiqamətində misilsiz tarixi xidmətlərindən, böyük xilaskarlıq missiyasından danışıb.
