"44 günə ödənilən mənəvi borc"
Aprelin 19-da məktəbin coğrafiya müəllimi Vəfa Süleymanovanın təşkilatçılığı ilə BDU-nin coğrafiya fakültəsinin təcrübəçi tələbələri Vətən müharibəsinə həsr olunmuş "44 günə ödənilən mənəvi borc" adlı tədbir keçirib.
Tədbirdə işğaldan azad olmuş torpaqlarımızın coğrafiyası, təbii şəraiti, təbii ehtiyatları, 30 il əvvəlki və hazırki vəziyyətləri şagirdlərin dili ilə işıqlandırılıb. Hərbi vətənpərvərlik mövzusunda şer və mahnılar səsləndirilib. 9ç sinif şagirdi Əlizadə Hüseynin (pianoda) ifasında Faiq Sücəddinovun "Vətən balladası" və 8b sinif şagirdi Qəribov İsanın (skripkada) ifasında "Sarı gəlin" musiqi nömrələri tədbirə xüsusi rəng qatıb.
Sonda BDU-nun coğrafiya fakültəsinin müəllimi Nigar İsmayılova çıxış edərək təcrübəçi tələbələrə yaradılmış şəraitə və dəstəyə görə təşəkkürünü bildirib.
