Kitab mənim ən yaxın dostumdur.
Yasamal rayonu 53 saylı məktəbdə 29.04.2015-ci il tarixdə Azərbaycan Respublikası Təhsil Nazirliyinin müvafiq əmrinə əsasən Ümumtəhsil məktəblərində mütaliə vərdişlərinin təkmilləşdirilməsi və onlarda mütaliə mədəniyyətinin formalaşdırılması ilə bağlı “Kitab mənim ən yaxın dostumdur” adlı ədəbi bədii tədbir keçirildi. Tədbirdə bir çox yazıçı və şairlər Z.Xəlil, Əli Əmirli, Elxan Elatlı, Gülzar İbrahimova, Arzu Soltan, Azərbaycan Respublikası Təhsil Nazirliyinin şöbə müdiri Aydın Əhmədov, Bakı şəhəri üzrə Təhsil İdarəsinin şöbə müdiri Sevinc Rəsulova, Azərbaycan Prezidenti yanında "Bilik" fondunun icraçı direktoru Oktay Səmədov, Yasamal rayonu İcra Hakimiyyətinin müavini Muradova Təravət xanım, Humanitar işlər üzrə şöbə müdiri Cəfərov Zöhrab , Azərbaycan müəllimi qəzetinin əməkdaşı Şakir müəllim, məktəb direktorları , N.Nərimanov,C. Məmmədquluzadə və Firudin bəy Köçərli adına kitabxana və ev muzeylərinin rəhbərləri, İctimai televiziyanın əməkdaşları iştirak etdilər. Tədbirdə Azərbaycan Ədəbiyyatının çox görkəmli nümayəndələrindən C.Cabbarlı, C.Məmmədquluzadə, M.Ə.Sabirin əsərlərindən nümunələr səsləndirildi. El ağsaqqalı Dədə Qorqudun öyüdləri şagirdlərimizin nəzərinə çatdırıldı. Tədbirdə rəngarəng musiqilər səsləndirildi. Məktəbin girişində şagirdlərin əl işləri və rəsmləri, Azərbaycanın görkəmli yazıçı və şairlərinin kitablarından ibarət sərgi gün ərzində nümayiş etdirildi. Hər iki sərgi böyük marağa səbəb oldu.
