Şagirdlər festivalda
29 yanvar tarixində “Women in “ “Tech QadınFest” platformasının təşkilatçılığı ilə “Qadınlar STEM – də“ festivalı təşkil edilmişdir. Elm və Təhsil nazirinin də iştirak etdiyi festivalda bir sıra İKT və elmi araşdırma bacarıqlarını inkişaf etdirən qurumlar və onların təşkil etdiyi müxtəlif yaş qruplarına müvafiq masterklaslar böyük marağa səbəb oldu. Qadınların təhsilə, elmə cəlb olunması, onların cəmiyyətdə rolu barədə müxtəlif yanaşmalar, fikirlər dinlənildi. Festivalda Elm və Təhsil naziri qadınların cəmiyyətdə rolundan bəhs edərək bundan sonra da Z. Tağıyev ənənələrinin davam etdiriləcəyini qeyd etdi, tədbir iştirakçılarının suallarına cavab verdi. Azərbaycanda İKT və elm sahəsində uğur qazanan qadınlar Ted Talk formatında çıxış etdilər.
53 № - li məktəbin şagird və valideynləri də festivalda iştirak etmiş, təqdim olunan DATA SCİENCE təlimlərindən biri olan “Süni intellekt” masterklasından yararlanmışlar.
