Zamana sığmayan ədib
Dekabrın 16-da böyük Cümhuriyyət şairi Əhməd Cavadın anadan olmasının 130 illiyi münasibətilə Azərbaycan Respublikasının Prezidenti cənab İlham Əliyevin sərəncamına əsasən məktəbin Azərbaycan dili və Ədəbiyyatı müəllimi Sevda Novruzovanın təşkilatçılığı ilə "Zamana sığmayan ədib" adlı tədbir keçirildi.
Tədbir ərzində azadlıq şairi, Azərbaycan ədəbiyyatında zəngin ədəbi irsə malik, sənətkarlıq qüdrətinə görə xüsusi yeri, mövqeyi olan Əhməd Cavadın həyatı, yaradıcılığı 9-cu sinif şagirdləri tərəfindən geniş formada təhlil olundu. Şairin "Azərbaycan! Azərbaycan!", "Al bayraq", "Susmaram", "Şeirim" və başqa şeirləri, sözləri şairə aid olan "Şükriyyə", "Çırpınırdı Qara dəniz", "Can Azərbaycan! " mahnıları səsləndirildi.
Tədbirin sonunda məktəbin direktoru Tünzalə Zeynalova repressiya qurbanı olan Əhməd Cavad və digər aydınlardan danışaraq şagirdlərə Azərbaycanın tarixini və mütəfəkkirlərinin keçdiyi yolu dərindən öyrənməyi tövsiyə etdi.
