“Azərbaycanın Sönməz Günəşi”
Dekabrın 12-də Ulu Öndər Heydər Əliyevin əziz xatirəsinə həsr edilən “Azərbaycanın Sönməz Günəşi” adlı tədbir keçirildi.
Tədbir dövlət himninin səslənməsi və Ümummilli Lider Heydər Əliyevin əziz xatirəsinin bir dəqiqəlik sükutla yad edilməsi ilə başladı.
Məktəbin direktoru Tünzalə Zeynalova tədbiri açaraq qeyd etdi ki, hər bir xalqın milli azadlıq və istiqlaliyyət tarixində xilaskar rolunu oynayan dahi insanlar var. Həmin dahilər öz qətiyyətləri ilə mənsub olduqları xalqı arxasınca aparıb, ən taleyüklü məqamlarda qalib rolu oynamışlar. Azərbaycan xalqının Ümummilli Lideri Heydər Əliyev müasir dünya tarixinə parlaq və silinməz iz qoymuş böyük şəxsiyyət, qeyri-adi zəka, fitri istedad sahibi, müdrik dövlət xadimi kimi düşmüşdür.
Müstəsna xidmətləri ilə əbədilik qazanan Ümummilli Lider Heydər Əliyevin mənalı həyat yolu, zəngin və çoxşaxəli irsi böyüməkdə olan gənc nəslə bir nümunədir. Məhz Ulu Öndərin siyasi kursunun uğurlu davamçısı, Silahlı Qüvvələrin Ali Baş Komandanı Cənab İlham Əliyevin qətiyyəti sayəsində torpaqlarımız işğaldan azad olunmuşdur.
Sonra söz şagirdlərə verildi. Şagirdlərin Ulu Öndər Heydər Əliyevə həsr olunmuş təqdimatları nümayiş etdirildi, şeirlər söylənildi. Dahi liderin yaddaşlarda iz qoyan kəlamları səsləndi.
Tədbir Cənab Prezident İlham Əliyevin Şuşada Xarı Bülbül festivalındakı çıxışının yayımlanması ilə başa çatdı.
