Ümumməktəb tədbiri
27 Sentyabr tarixində mənfur qonşularımızın təcavüzünə cavab olaraq Azərbaycan Silahlı Qüvvələrinin Ali Baş Komandanın rəhbərliyi altında torpaqlarımızın azad edilməsi uğrundakı Vətən müharibəsinin başlanmasının ildönümü ilə bağlı anım günü qeyd edildi.
Tədbirdə məktəb rəhbərliyi, müəllimlər,valideyin və şagird kollektivi, Vətən müharibəsi qaziləri -Elçin Ağayev ("Cəbrayılın azad edilməsi uğrunda", "Qubadlının azad edilməsi uğrunda", "Laçın uğrunda" medalları ilə təltif olunub), Elşən Hüseynov (Fizuli uğrunda, Cəbrayıl uğrunda, Şuşa uğrunda meddaları ilə təltif olunub) iştirak etdilər.
Tədbir şəhidlərin əziz xatirəsini bir dəqiqəlik sukutla yad edilməsi ilə başladı.
Şagirdlər müzəffər Azərbaycan Ordusunun qəhrəmanlıqlarından danışdılar, kompozisiyalar təqdim etdilər, hazırladıqları videçarxları nümayiş etdirdilər.Məktəbin Azərbaycan dili müəllimi Sevda Mehdiyeva müəllifi olduğu "Vətən sağ olsun" şeirini səsləndirdi.
Çıxış edən məktəbin direktoru Tünzalə Zeynalova Vətən müharibəsində Silahlı Qüvvələrin əsgər və zabit heyətinin mübarizliyindən, cənnət Qarabağımızda aparılan abadlıq işlərindən, Şuşanın bir çox beynəlxalq tədbirlərə ev sahibliyi etdiyindən, Cənab Prezident İlham Əliyevin qərb jurnalistlərinin məkrli suallarına verdiyi tutarlı cavabla - informasiya sahəsindəki qələbəmizdən danışaraq şagirdlərə Azərbaycan tarixini dərindən öyrənməyi tövsiyə etdi.
Sonda tədbirdə iştirak edən hərbiçilər öz həyat hekayələrini şagirdlərlə bölüşərək şəhidlərimizə rəhmət dilədilər. Allah Ordumuzu, Silahlı Qüvvələrin Ali Baş Komandanını və Azərbaycanımızı qorusun!!!
