Son zəng.
14 iyun 2022- ci il tarixində məktəbdə ənənəvi qaydada son zəng tədbiri keçirildi . Tədbirdə BŞTİ -nin inkişaf layihələri sektorunun müdiri Günay Qurbanova, 44 günlük Vətən müharibəsinin iştirakçısı polkovnik leytenant Rizvanov Səməndər, məktəb rəhbərliyi , 11-ci sinif şagirdlərinin valideynləri və məzunlar iştirak etdilər.
Tədbir Azərbaycan Respublikasının Dövlət bayrağının gətirilməsi və Dövlət himninin səsləndirilməsi ilə başlandı.
Çıxış edənlər dövlətimizin təhsilə qayğısından xüsusi bəhs etdilər. Azərbaycan Silahli Qüvvələrinin şücaətindən ,mədəniyyət beşiyi olan Şuşa şəhərinin gündən-günə abadlaşaraq dünya miqyasında festivallara və tədbirlərə ev sahibliyi etdiyindən danışdılar . Pandemiyadan sonra geniş şəkildə Son zəng tədbirini keçirə bildiklərinə görə şagirdləri xüsusi təbrik etdilər.
İbtidai sinif şagirdlərin ifasında "Şuşanın dağları", "Bayraq" və "Cənnətim Qarabağ" adlı kompozisiyalar təqdim olundu , məzunlar rəqs edib öz müəllimləri ilə sağollaşdılar . Tədris ili ərzində müxtəlif müsabiqə və olimpiada qalibləri Fəxri Fərmanla təltif edildilər . Daha sonra "Elmin açarı" fərqlənən 10-cu sinif şagirdlərinə təhvil verildi.
Tədbirin sonunda 11-cilər üçün son zəng çalındı.
