Məktəbimizin uğurları
Ötən tədris ilində olduğu kimi 2015-2016-cı tədris ilində də məktəbin məzunları qəbul imtahanlarında uğurlu nəticələr göstərdilər. Belə ki, məktəbi bitirən 154 nəfər məzundan 128 nəfər ölkənin müxtəlif ali məktəblərinə sənəd verdi, 87 nəfər məzun müxtəlif ali məktəblərə qəbul olundu. Bunlardan 45 nəfər azərbaycan bölməsi, 41 nəfər rus bölməsində təhsil alırdı. 5 nəfər məzun 600-dən yuxarı, 9 nəfər məzun 500-dən yuxarı bal toplamışdır. Məzunlardan Əlizadə Nadir 623 bal toplayaraq Azərbaycan Dövlət və Sənaye Akademiyası və Amerika Corciya Dövlət Universitetinin birgə Beynəlxalq proqramsistem mühəndisliyi fakültəsinə, Səmədov Yusif 619 bal toplayaraq Azərbaycan Dövlət İdarəçilik Akademiyası Kompyuter elmləri fakültəsinə, Mustafazadə Orxan 638 bal toplayaraq Azərbaycan Dövlət Diplanmatiya Akademiyasına, Əsədli Ülkər 630 bal toplayaraq Azərbaycan Dövlət Diplamatiya Akademiyasına, Əfrasiyabov Fəxri 606 balla “Xəzər” Universitetinə qəbul olmuşlar. Bundan başqa 18 nəfər məzun xarici ölkələrin ali məktəblərinə böyük müvəffəqiyyətlə imtahan verərək tələbə adını qazanmışlar. Bunlardan Ayıbov Seyfəddin Peterburq Dövlət Universitetinə, Babayeva Şəhla Ankara Bilkənd Universitetinə, Axundova Nəzrin İstanbul Universitetinə, Karadeniz Kamran Balıkesir Universitetinə, Quliyeva Nigin Çikaqo Universitetinə qəbul olunmuşlar. Bu il məktəbin ali məktəblərə qəbul faizi 69% olmuşdur.Həmçinin keçən tədris ilində 9-cu sinifi bitirmiş 181 şagirddən 12 nəfər fərqlənmə şəhadətnaməsi almış, 13 nəfər müxtəlif orta ixtisas və peşə məktəblərinə qəbul olunmuşdur. 2016-2017-ci tədris ilində məktəbin müəllim və şagird kollektivinin qarşısında duran bir nömrəli vəzifə qazanılmış uğurlu nəticələri daha da yüksəltməkdir.
