TARİXİ ZƏFƏRİMİZ.
10 iyun 2021-ci ildə məktəbin müəllim,şagird və valideyn heyətinin iştirakı ilə "Tarixi Zəfərimiz" adlı onlayn tədbir keçirildi.Tədbirdə giriş sözü ilə çıxış edən məktəbin direktoru Tünzalə Zeynalova Vətən müharibəsinə qədər gedən tarixi yoldan ,Tovuz hadisələrindən ,xalqın Ali Baş Komandanın ətrafında sıx birləşərək başladığı 44 günlük müharibədən və qələbəsindən söz açdı,Azərbaycanın ərazi bütövlüyü uğrunda canından keçən bütün şəhidlərin ruhunu hörmət və ehtiramla anaraq iştirakçılara dərin təşəkkürünü bildirdi.
Tədbirdə iştirak edən şəhid Azərbaycan Silahlı Qüvvələrinin General Mayoru Polad Həşimovun anası Səmayə ana,bacısı Kəmalə xanım,şəhid Polkovnik Leytenant Ruslan Tağıyevin həyat yoldaşı Günay xanım,şəhid əsgər Cəbrayıl Dövlətzadənin anası Məleykə xanım, şəhid əsgər Rüfət Mustafayevin anası Afət xanim ,hazırda da zabit kimi fəaliyyət göstərən Ruslan Aslanzadənin anası Yeganə xanım ,Qazı Cavid Aşurov və anası Elmira xanım çıxış edərək 44 günlük Vətən müharibəsi ilə bağlı təəssüratlarını bölüşdülər.Səmayə xanım məktəblərdə təşkil olunan belə tədbirlərin əhəmiyyətini xüsusi vurğulayaraq gələcəkdə bu istiqamətdə işlərin daha da artırılmasını tövsiyə etdi.
Tədbir boyu tarixi zəfərimizdən bəhs olunan videoçarx və təqdimatlar nümayiş olundu,şagirdlər tərəfindən şeirlər səsləndirildi.
Sonda ədəbiyyat müəllimi Səidə Sideifzadə
İlham İdrisoğlunun "Şəhid anası" şeirini ifa etdi.
