Faşizm üzərindəki qələbənin 76 ci ildönümü.
08 may tarixində faşizm üzərində qələbənin 76 cı ildönümünə həsr edilən onlayn tədbir keçirildi.Tədbirdə məktəb rəhbərliyi,müəllimlər valideynlər və şagirdlər iştirak etdilər. Məktəbin tarix müəllimi Vüsalə Əliyeva müharibədə iştirak edən Azərbaycanın 600 mindən çox oğul və qızının ön cəbhədə düşmənlə döyüşlərdə göstərdikləri misilsiz şücaət, igidlik eyni zamanda arxa cəbhədə göstərilən fədakarlıqlardan danışdı.
Şagirdlər Vətən müharibəsinin qəhrəmanları haqqında hazırladıqları videoçarxları nümayiş etdirdilər, şeirlər səsləndirdilər. 7b sinif şagirdi Sadiq Əhmədov babası - II Dünya müharibəsinin iştirakçısı ,kəşfiyyatçı Əhədov İsa Musa oğlunun xatirələrindən danışaraq onunla fəxr etdiklərini bildirdi.
Sonda çıxış edən məktəbin direktoru qələbənin əldə olunmasında Azərbaycan neftinin müstəsna rolundan və Ali Baş Komandanın sayəsində erməni faşizmi üzərindəki qürurverici qələbədən danışaraq tədbir iştirakçılarını təbrik etdi və şagirdlərə xalqımızın qəhramanlıq səlnaməsini dərindən öyrənməyi tövsiyə etdi.
