Ana dili
2015-ci il fevralın 20-də məktəbimizdə Beynəlxalq Ana dilinə həsr olunmuş tədbir keçirilmişdir. Tədbir şagirdlərin ifasında " Şirin dil " mahnısının ifası ilə başlamışdır. Sonra isə Beynəlxalq Ana dili gününun tarixindən söz açılmışdır. 21 fevral 1952-ci iıdə Banqladeşdə ana dilinin qorunub saxlanılması uğrunda şəhid olmuş insanların xatirəsinə ucaldılmış " Şəhid Minar " abidəsi ( Dəkkə), həmçinin respublikamızın müxtəlif yerlərində olan " Ana dili " abidələri video- çarxda nümayiş etdirilmişdir. Ulu öndər Heydər Əliyevin ana dilimizin qorunub saxlanılmasına həsr olunan düşünülmüş siyasəti geniş işıqlandırılmışdır. Sonra isə şagirdlər tərəfindən Şah İsmayıl Xətayi, Ə. Haqverdiyev, C. Məmmədquluzadə, N. Nərimanovun ana dili haqqında söylədikləri müdrik kəlamlar səslənmiş,ana dilinə həsr olunmuş müxtəlif şeirlər söylənilmişdir. Tədbirdə həmçinin rus bölməsində təhsil alan şagirdlərimiz də fəal iştirak etmişlər. Tədbirdə C. Məmmədquluzadənin " Ananın kitabı" əsərindən də parçalar göstərilmiş, tədbir çox yüksək əhval ruhiyyə ilə başa çatmışdır.
