Vətən Mübarizə oğul dedi
2015-ci il fevralın 6-da məktəbimizdə "Vətən Mübarizə oğul dedi! " başlığı altında tədbir keçirilmişdi. Tədbir yazıcı-publisist Mustafa Çəmənlinin " Mübariz " povestinin təqdimatı ilə başlamışdır. Bu kitabda Azərbaycanın Milli Qəhrəmanı Mübariz Ağakərim oğlu İbrahimovun 22 illik ömür yolundan bəhs edilir. Tədbirdə Mübarizin çox qisa lakin şərəfli ömür yolunu əks etdirən video-çarx nümayiş etdirilmiş, müxtəlif şagirdlər tərəfindən vətənpərvərlik ruhunda və məhz Mübarizə həsr olunmuş şeirlər söylənilmişdir. Tədbirdə həmçinin Mustafa Çəmənlinin " Mübariz " povestinə şagirdlər tərəfindən müxtəlif rəylər söylənilmiş və tədbir müəllifin " Mübarizə ölüm yox, Ölümsüzdü Mübariz ! " misralari ilə başa çatmışdır.
