e Twinning layihəsi
eTwinning layihəsi çərçivəsində 18-20 aprel 2019-cu il tarixlərində Türkiyənin Izmir şəhərində keçirilən Əlaqələndirici Konfransda Azərbaycanı 10 nəfərlik nümayəndə heyəti təmsil edib. Layihə əsaslı təhsilin tətbiqi sahəsində müxtəlif təlimlər, sərgilər və seminarlar təşkil olunmuş Konfransda eyni zamanda, Malta, Latvia, Fransa, Tunis, İtaliya və digər 15 Avropa ölkələrinin müəllimləri də iştirak edib. 3 gün davam edən tədbir zamanı Gəncə, İsmayıllı və Bakının müxtəlif məktəblərindən 9 nəfər müəllim xarici həmkarları ilə əməkdaşlıq edərək, yeni bilik və bacarıqlar öyrənmiş, beynəlxalq layihələr yaratmışlar. Konfrans sonunda hər bir müəllim beynəlxalq eTwinning sertifikatı ilə təltif olunmuşlar.
Seminarda iştirak edən məktəbin Azərbaycan dili və ədəbiyyat müəllimi Aytən Bağıyevanı təbrik edir, ona uğurlarının davamlı olmasını dileyirik! Biz sizinlə qürur duyuruq!
