Məktəbəhazırlıq qrupları fəaliyyətə başladı
01.10.2018-ci il tarixində Bakı Şəhəri Novruzov qardaşları adına 36 nömrəli məktəbin məktəbəhazırlıq qruplarında 2018/2019-cu dərs ili üzrə ilk məşğələlərə start verilib. Bu qrupların fəaliyyəti uşaqların birinci sinfə daha hazırlıqlı başlamasının təmin olunması, tədris göstəricilərinin yaxşılaşdırılması məqsədlərinə xidmət edir. Həmçinin, məktəbəhazırlıq qruplarının yaradılmasında məqsəd 5 yaşlı uşaqların məktəb təliminə hazırlığı ilə əlaqədar psixoloji dayanıqlılığını artırmaq, əhatə olunduqları aləmə və təhsil mühitinə uyğunlaşdırmaq, onların ünsiyyət və birgə fəaliyyət bacarıqlarına yiyələnməsini təmin etməkdən ibarətdir.
Fidan balalar artıq məktəbimizə ilk uğurlu addımlarını atdılar. Arzu edirik ki, gələcək şagirdlərimiz daima öz bilik səviyyəsi və davranışları ilə həm valideynlərinin, həm də müəllimlərinin başını uca etsinlər.
