Məktəbimizdə Ulu öndər Heydər Əliyevin anım günü qeyd edildi
Azərbaycan xalqının tarixində böyük xidmətləri olan tarixi şəxsiyyətlər çox olmuşdur. Bunlar gördükləri böyük işlərlə yadda qalmış və unudulmamışdır.Ancaq Heydər Əliyevin rolu böyükdür. Azərbaycan xalqı xoşbəxtdir ki, ona Heydər Əliyev kimi müdrik siyasi xadim rəhbərlik edirdi. Bu sözlər dünyanın bir sıra dövlət başçılarının dilindən dəfələrlə səslənilib. Bu, bir həqəqətdir. Məhz bu dahi insanın səyi nəticəsində Azərbaycan əbədi müstəqilliyə, inkişafa, tərəqqiyə qədəm qoydu. O, bütün həyatını doğma xalqına sərf edən, milli dövlətçiliyin əsasını qoyan dahi lider idi. Kim idi Heydər Əliyev?" Eşidəndə ki, mənim doğma vətənim, mənim doğma torpağım dağılır, uzun müddət bu vətənin, ölkənin inkişafına xidmət etmiş bir adam kimi mən bilirəm ki, biz burada nələr etmişik və bu dağılır, şübhəsiz ki, özümü qurban verməli oldum və gəldim, məsuliyyəti öz üzərimə götürdüm" deyə xalqı üçün əlindən gələni əsirgəməyən dahi şəxsiyyət demişdir. Bu gün dahi şəxsiyyət aramızda yoxdur. Lakin onun gülərüz və xoş xatirəsi daim yaddaşımızda yaşayacaq. Sən elə bir zirvəsən, küləklər neyləyəcək Dünənim, bu günümsən, səninlədir gələcək, Nə qədər Azərbaycan, nə qədər bu millət var Heydər xalqım deyəcək, xalq Heydər söyləyəcək.
