Bilik günü
İlk dərs günü məktəbimizdə 15 Sentyabr “Bilik günü” ilə bağlı tədbir keçirildi. Dünyada hər bir qəhrəmanlığın, fədakarlığın, hünərin və zəfərin anası məsləkdir. Məslək və əqidə isə ilk növbədə Vətənlə bağlıdır. Vətən eşqi hər şeydən əzəl, hər şeydən ucadır. Bu eşqin sərhədi yoxdur. Vətən sevgisi ilə insan ucalır, özünü dərk etmiş olur. Tədbirdə doğma elinə sədaqət,qeyrət və məhəbbətlə yanaşan, Vətənə olan sevgisindən şəhidlik zirvəsinə ucalan mərd igidlərimizdən məktəbimizin adını daşıdığı Novruzov qardaşları və fəxri məzunumuz Mahir Mirzəyevin də əziz xatirəsi yad edildi. Beləliklə, ilk zəng sədaları altında şagirdlər dərs otaqlarına yola salındı və ilk dərs “Cocuq Mərcanlı tarixə qayıdışa” həsr olundu.
