Şagirdlərimiz Azərbaycan Televiziya və Radio Verlişlərinin “Uşaqdan xəbər al” verlişində iştirak ediblər
Xocalı-Bu qan yerdə qalmaz!Şagirdlərimiz Azərbaycan Televiziya və Radio Verlişlərinin “Uşaqdan xəbər al” verlişində iştirak etdilər. Şagirdlər Xocalı soyqırımı haqqında oxuduqları və eşitdiklərinə əsasən öz fikirlərini söylədilər. Heç bir günahı olmayan körpə bacı və qardaşlarına qarşı törədilən bu qətliamın bütün bəşəriyyətə qarşı yönəldiyini söylədilər.Qeyd etdilər ki, bu gün türk övladına qarşı yönəldilən bu qətliam sabah digər xalqların övladlarına qarşıda edilə bilər. Eyni zamanda bu faciənin tariximizə növbəti qəhrəmanları bəxş etdiyinidə vurğuladılar. Şagirdlər Milli Qəhrəman Əlif Hacıyevin, Tofiq Hüseynovun, Çingiz Mustafayevin Xocalı hadisələrindəki iştirakından danışdılar.Sonda şagirdlər bildirdilər ki, bizim şanlı ordumuz Qarabağı, o cümlədən Xocalını mənfur erməni yaraqlılarından təmizləyib, vətənimizdə sülhü bərqərar edəcəkdir.
