Aprel döyüşləri-zəfərə səsləyən qətiyyət və inam
Azərbaycan silahlı qüvvələri 2 min hektardan çox ərazini düşmən əsarətindən qurtarmaqla 44 günlük Vətən müharibəsinə mayak oldu. Aprel döyüşlərini Azərbaycan hərb tarixinə qızıl hərflərlə yazan şəhidlərimizin əziz xatirəsi bu gün məktəbimizdə hörmətlə anılıb. Şagirdlərimizin hazırladığı ədəbi-bədii gecədə məktəbimizin fəxri məzunu, aprel döyüşlərində şəhid olmuş Mahir Mirzəyevin atası Sabir müəllim, 44 günlük Vətən müharibəsində şəhidlik zirvəsinə ucalmış Oruc Vəliyevin valideynləri Ramiz müəllim, Təranə xanım, müəllim və şagird kollektivi iştirak edib. Tədbirdə şagirdlər bayraq, vətənpərvərlik mövzusunda şeirlər söyləyib, mahnılar ifa edib və ədəbi-bədii kompozisiyalarla, səhnəciklərlə çıxış ediblər. Həmçinin Aprel döyüşlərində ordumuzun əks-hücumu zamanı əsgərlərimizin göstərdikləri şücaətlərdən bəhs edən videoçarx da nümayiş olunub.
