Şəhidimizin mövlud günü
Azadlığı, müstəqilliyi, babalardan miras qalan torpağı uğrunda oğlunu, qızını şəhid verən xalq xoşbəxt xalqdır. Bu mənada Azərbaycan xalqının qürur hissi keçirməyə, başını uca tutmağa tam mənəvi haqqı var. Şəhidlik müqəddəs məqsəd üçün həyatını verməkdir. İllər ötüb, qərinələr dolaşsa da, şəhidlər heç vaxt unudulmur, həmişə minnətdarlıq duyğuları ilə yada salınır, xatirələrinə dərin ehtiram bəslənilir. Bu gün məktəbimizin şəhid məzunu Əliyev Emin Elman oğlunun və anası məktəbimizin Azərbaycan dili və ədəbiyyat müəllimi Şəmidə Əliyevanın doğum günüdür. Bu məqsədlə məktəbimizin 9a sinif şagirdləri öz gözəl çıxışları ilə şəhidimizin əziz xatirəsini dərin ehtiramla yada saldılar.
