Şanlı Zəfər salnaməsi
2020-ci il sentyabrın 27-də Ermənistan silahlı qüvvələrinin cəbhəboyu genişmiqyaslı təxribat törətməsinə cavab olaraq Azərbaycan Ordusu sonradan “Dəmir yumruq” adlandırılan əks-hücum əməliyyatına başladı. 44 gün davam edən Vətən müharibəsi təxminən otuzillik işğala son qoyulması və ərazi bütövlüyümüzün bərpası ilə nəticələndi. Müzəffər Ali Baş Komandan İlham Əliyevin rəhbərliyi ilə qazanılmış möhtəşəm Zəfər tariximizə qızıl hərflərlə yazıldı.
30 ilin nisgilinə, acısına, torpaq həsrətinə son qoyan 44 günlük İkinci Qarabağ müharibəsi Azərbaycanın zəfəri ilə dünyaya səs saldı. Azərbaycan xalqı ən məğrur, yenilməz xalq kimi, ordumuz isə dünyanın ən güclü, peşəkar ordusu kimi tarixə yazıldı. Azərbaycanın döyüş meydanında və diplomatik müstəvidə qazandığı uğurlar tarixi zəfərimizi şərtləndirdi.
Məktəbimizdə də tarixi zəfərimizi əks etdirən silsilə tədbirlər keçirilir. Beləki, məktəbin təşkilatı işlər üzrə direktor müavini Tamilla Soltanovanın təşkilatçılığı ilə ibtidai siniflərin və 5-ci, 9-cu siniflərin iştirakı ilə tədbir keçirildi. Şanlı zəfər tarxinə həsr olunmuş tədbirdə şagirdlər öz istedad və bacarıqlarını nümayiş etdirdilər.
