“Unutmadıq, unutmarıq”
27 Sentyabr-Şanlı tarixin başlanğıcıdır.
Vətən Müharibəsində qəhrəmancasına döyüşmüş, üçrəngli dövlət bayrağımızı azad edilən torpaqlarımızda dalğalandırmış, ölkəmizin ərazi bütövlüyü yolunda canlarını fəda etmiş əsgər və qazilərimizə və bütün şəhidlərimizə dərin ehtiram əlaməti olaraq məktəbimizin şagirdləri “Unutmadıq,unutmarıq” adlı ədəbi bədii-kompozisiya keçirmişlər.
Tədbir Azərbaycan Dövlət Himni ilə açılmış , sükutla yad etməklə başlanılmışdır. Məktəbimizin direktor müavini Tamilla Soltanova tərəfindən məktəb foyesində sərgi təşkil edilmişdir. Siniflərdə Vətən uğrunda qəhrəmancasına həlak olmuş şəhidlərin xatirəsini əbədiləşdirmək məqsədilə ilk dərslər “Anım Günü”nə həsr olunmuşdur. Daha sonra məktəbimizin tarix müəllimi Səbinə Cəfərova Vətən müharibəsinin tarixi ilə bağlı şagirdlərə məlumat verərək onlarda vətənpərvərlik hisləri aşılamışdır. Şagirdlər səhnəciklər, şeirlər səsləndirmişlər. Sonda məktəbin direktoru Gülnarə Cəfərova çıxış edərək şagirdlərə Vətənə layiqli övlad olmaqlarını tövsiyə etmişdir.
Şəhidlər ölməz,Vətən bölünməzdir!
Qarabağ Azərbaycandır!
