İlk zəng günü
İnsan həyatında elə günlər olur ki, ömür boyu yaddaşlarda qalır. Bu unudulmayan, hər zaman xatırlana biləcək günlərdən biri də “İlk zəng” günüdür. 15.09.2022-ci il tarixində məktəbimizdə “İlk zəng” tədbiri keçirilmişdir. Amma bu zəng başqa illərdən fərqli oldu. Çünki sentyabrın 12 –si gecə saatlarından başlayaraq Azərbaycan-Ermənistan dövlət sərhədinin Daşkəsən, Zəngilan, Kəlbəcər və Laçın istiqamətlərində geniş miqyaslı təxribatlar nəticəsində çoxsaylı hərbi qulluqçumuz qəhrəmancasına şəhid olmuşduŕ. Bu gün şagirdlər gül dəstələri yerinə əllərində şəhid şəkli tutmuşdurlar. Tədbir Azərbaycanın Dövlət Himni ilə başlanıldı. Daha sonra torpaqlarımızın azadlığı uğrunda döyüşərək şəhid olmuş qəhrəmanlarımızın əziz xatirəsi bir dəqiqəlik sükutla yad edildi. Tədbirdə məktəbimizin şəhid məzunlarının yaxınları iştirak edərək şagirdlərə öz dəyərli məsləhətlərini verdilər. Daha sonra məktəbin direktoru Gülnarə Cəfərovanın vətənpərvər çağırışından sonra şagirdlər siniflərə daxil oldular. Bu gün bütün siniflərdə ilk dərs “Qarabağ Azərbaycandır!” mövzusuna həsr edildi.
