Şəhid Novruzov qardaşlarının doğum gününə həsr edilmiş tədbir
Bütün yüksəklikdən ucada dayanan bir zirvə var: Şəhidlik zirvəsi. Bu zirvəyə qalxmaq hər kəsə nəsib olmur. Yalnız müqəddəs amallar uğrunda mübarizə aparan vətən yolunda canını fəda etməkdən çəkinməyən cəsarətli, ləyaqətli insanlar yüksələ bilərlər bu uca zirvəyə. Şəhidlik əslində qəhrəmanın ölümü deyil, Uca Allahın dərgahında ölümün qəhrəmanlığıdır.
Azadlığı, müstəqilliyi ulu babalardan miras qalan torpağı uğrunda qızını oğlunu şəhid verən xalq xoşbəxt xalqdır. Xalqımız həmişə vətənin daşı olan igidlərini unutmur, onları dərin ehtiramla yad edir. Azərbaycan xalqının qürur hissi ilə yad etdiyi oğullarından olan şəhid Novruzov qardaşlarının doğum günü ilə əlaqədar məktəbin təşkilatçı müqavini Tamilla Soltanovanın və uşaq birliyi rəhbəri Şəfaqət Qələndərovanın təşkilatçılığı ilə\ tədbir keçirildi. Tədbirdə Şəhidlərimizin anası Lətifə ana, əllillər cəmiyyətinin üzvləri, qazilər və digər qonaqlar iştirak etmişdilər.
