İgid oğullarımız - qazilərimiz qürur yerimizdir.
Torpaqlarımızın işğaldan azad olunmasında qəhrəmancasına vuruşaraq, ölümün gözünə dik baxmış igid oğullarımız - qazilərimiz qürur yerimizdir. Onlar ölümə bir nəfəs qədər yaxın olsalar da, əsas amalları torpaqlarımızı yağı tapdağından azad etmək idi.
Uşaqlıqda həyət-bacada oynayarkən qolumuz, dizimiz yaralananda günlərlə ağrısına dözməyərək ufuldamışıq. Amma qazilərimiz gözlərindən ayaqlarından,qollarından, hətta əziz canlarından keçərək nəsillərə vətəni tanıdaraq sevməyi öyrətdilər.
Bu gün məktəbimizə gözlənilmədən gələn qazilərimiz bizlərə çox gözəl duyğular yaşatdılar.Bu gəlişin səbəbkarı 6 c sinif şagirdi Adnan olduğunu bildikdə ikiqat qürur hissi yaşadıq.Qazilərimizin şagirdlərlə görüşü onların yaddaşından silinməyəcəyi üzlərindəki sevincdən bəlli idi.
Qazilərimizə təşəkkür edir, onların şücaəti qarşısında baş əyirik!
