Ulu Öndər Heydər Əliyevin anadan olmasının 99-cu ildönümünə həsr edilmiş tədbirimiz
10 May Ulu Öndər Heydər Əliyevin anadan olmasının 99-cu ildönümüdür.
Müstəqil Azərbaycan dövlətinin memarı, dünya şöhrətli siyasətçi, vətənpərvər insan, ümummilli lider Heydər Əliyevin zəngin siyasi irsinin, şərəfli həyat yolunun gələcək nəsil tərəfindən öyrənilməsi işini daha da gücləndirmək məqsədilə məktəbimizdə silsilə tədbirlər keçirilir.
Məktəbin direktoru müavini Tamilla Soltanovanın, Azərbaycan Pedaqoji Universitetinin təcrübəçi tələbələrinin təşkilatçılığı və şagirdlərin iştirakı ilə Heydər Əliyevin anadan olmasının 99 -cu ildönümü ilə bağlı tədbir keçirilmişdir.
Tədbirdə Heydər Əliyevin Azərbaycan xalqının müstəqillik mübarizəsindən misilsiz xidmətləri, ölkəmizi dünyaya tanıdan, ona beynəlxalq aləmdə nüfuz qazandıran siyasəti haqqında videoslaydlar təqdim olunmuşdur. Eləcə də, dahi şəxsiyyət, uşaqların sevimlisi olan Heydər Əliyevə həsr olunmuş bədii parçalar ifa edilmiş, şagirdlərin Heydər Əliyevin dühasının əzəmətini əks etdirən divar qəzetləri, əl işləri nümayiş etdirilmişdir.
