Şəhidlər ölməz vətən bölünməz
06 aprel 2022-ci il tarixdə məktəbin direktoru Gülnarə Cəfərovanın rəhbərliyi altında 2016-cı il Aprel döyüşlərində şəhid olan əsgərlərimizin anılması, ordumuzun qüdrətinin təbliği məqsədilə Aprel döyüşlərinin 6-cı il dönümünə həsr olunmuş “Şəhidlər ölməz,Vətən bölünməz” adlı tədbir keçirilmişdir.
Tədbirdə şəhid Novruzov qardaşlarının anası Lətifə ana, şəhid Mahir Mirzəyevin atası Sabir Mirzəyev, qazi Orxan Kərimov , Nərimanov rayonu Gənclər və İdman idarəsinin rəisi Nəcəf Novruzov, məktəb rəhbərliyi və kollektivi iştirak etmişdir. Şagirdlərin ifasında Aprel döyüşlərinin əziz xatirəsinə həsr olunmuş şeirlər səsləndirilmişdir.
Məktəbin direktoru Gülnarə Cəfərova sonda Aperl döyüşlərindən danışaraq ,Zəfərimizə gedən yolun məhz bu döyüşlərdən keçdiyini bildirmiş, ordumuzun qüdrətindən danışaraq, tarixi qələbəmizin əhəmiyyətini vurğulamışdır.
Daha sonra Aprel döyüşlərində qəhrəmancasına döyüşərək şəhid olmuş Mahir Mirzəyevin adını daşıdığı sinifdə məktəbin dil-ədəbiyyat müəllimi Zülfiyyə Aslanbəylinin təşkilatçılığı ilə 5 sinif şagirdlərinin təqdimatı dinlənilmişdir.Şəhidin şəxsi əşyalarından ibarət sərgiyə baxış keçirilmişdir.
