"Dünyamızı qoruyaq" adlı layihə
Məktəbin direktoru Gülnarə Cəfərovanın təşəbbüsü ilə yanvar ayında "Dünyamızı qoruyaq" adlı layihəyə start verilmişdir. Layihənin təşkil olunmasında əsas məqsəd pandemiya dövründə məktəbə verilmiş dezinfeksiyaedici və yuyucu məhlulların boşalmış plastik qablardan istifadə edərək müxtəlif bəzək və tərəvəz bitkilərinin becərilməsi idi. Layihənin əsasnaməsinə uyğun olaraq şagirdlər bu gun 4-cü mərhələni yekunlaşdirdilar. Onlar həm becərdikləri bitkilər haqqında kifayət qədər məlumat topladılar, həm də bitkilərə qulluq edərkən torpagın münbitləşdirilməsi və maraqlı inkişaf prosesinin şahidi oldular. Qlobal problemlərdən biri olan münbit torpaqların ölümü məsələsinə şagirdlərin diqqətini bu formada cəlb edərək eyni zamanda onları maarifləndirməyə də müvəffəq olduq. Gördüyümüz işin səmərəli olduğuna tam əminik, çünki iş prosesində şagirdlərin özü də bizə çox maraqlı mövzu və ideyalarla muraciət edirdilər.
