Azərbaycanın Milli Qəhrəmanı Mübariz İbrahimov
Bu gün Azərbaycanın Milli Qəhrəmanı, mərdliyi, igidliyi, qorxmazlığı, şücaəti ilə, adı kimi mübariz olmağı ilə dillər əzbəri olan, vüqarı, cəsarəti ilə düşmənin qorxulu yuxusuna çevrilən Mübariz İbrahimovun dünyaya göz açdığı gündür. Bu əlamətdar günün, əsl vətənpərvər kimi yetişməyin, yüksək mənəvi dəyərlərin daşıyıcısına çevrilməyin mahiyyətinin hər bir təhsilalanımız tərəfindən dərk edilməsini təmin etmək məqsədilə bir qrup şagird məktəbin hərbi rəhbəri Rəfail Quliyevin təşkilatçılığı ilə Şəhidlər xiyabanına aparılmış, ölməz qəhrəmanımız və onun timsalında digər şəhidlərimizin qəbri ziyarət edilmişdir. Şagirdlərimiz böyük qürur hissi ilə onu yad etdi, və Mübariz kimi bir igid ilə həmvətən olduqları üçün böyük qürur hissi keçirdilər. Qəlbindəki yurd sevgisi, qorxmazlığı ilə, qəsbkar işğalçılara meydan oxuyan igidimiz şəhidlik zirvəsinə ucalsa da, əbədi olaraq hər birimizin qəlbində yaşayır və yaşayacaqdır. 22 illik ömrünə neçə-neçə fədakarlıqlar sığdıran Mübariz İbrahimov bugünkü gəncliyə bariz bir nümunədir. Milli Qəhrəmanımıza Allahdan rəhmət, ailəsinə isə səbir diləyirik!
