Ümumxalq Hüzn Günü ilə bağlı silsilə tədbirlər
20 Yanvar tarixi ölkəmizdə Ümumxalq Hüzn Günü kimi qeyd olunur. Tarix səhifəmizə qanlı hərflərlə yazılan bu kədər dolu günün anılması və əhəmiyyətinin dərk olunması ilə bağlı məktəbin təşkilatçısı Tamilla Soltanova və UBR- Şəfaqət Qələndərovanın başçılığı ilə tədbir təşkil olunmuşdur. Tədbirdə məktəb rəhbərliyi, pedaqoji heyət, qonaq qismində isə məktəbin adını daşıdığı Şəhid Novruzov qardaşlarının anası Lətifə ana, məktəbin məzunu, Aprel döyüşləri şəhidi Mahir Mirzəyevin atası Sabir ata və 30.11.21 tarixində Qaraheybət faciəsində şəhid olmuş məktəbin məzunu mayor Emil Əliyevin anası, məktəbin Azərbaycan dili və ədəbiyyat müəllimi Şəmidə müəllim də iştirak etdi. Şagirdlər tərəfindən təqdim olunan bədii kompozisiyaların nümayiş olunması əsasında baş tutan tədbirdə, xüsusilə, 20 Yanvar şəhidlərinin əziz xatirəsinə həsr edilmiş şeirlər, mahnılar səsləndirildi. Eyni zamanda məktəbdə 20 Yanvara həsr olunmuş sərgi təşkil olunmuş, divar qəzetləri hazırlanmışdır.
