"Rentgen şüalarının həyatımızda rolu" başlığı altında təqdimat
Fizika tarixində XIX əsrin sonu bir sıra görkəmli kəşflərin edilməsi ilə yadda qalır ki, bu kəşflər bəzi fiziklərin dünyagörüşlərində bir elmi inqilab yaratmışdır. Rentgen şüalarının kəşfi də məhz bu qəbildəndir. Təqvimin bu gününün əlamətdarlığını vurğulamaq üçün məktəbin fizika müəllimi Ziyafət Bayramova tərəfindən 11e sinfində fəal təlimin inteqrativlik prinsipinə əsaslanmış formada şagirdlərə "Rentgen şüalarının həyatımızda rolu" başlığı altında təqdimat edildi. Nəticədə, şagirdlər bu tarixi kəşfin həm elmdə, həm də real həyatımızda nə qədər böyük xidməti olduğunu dərindən dərk etmiş oldular.
