8 Dekabr -Beynəlxalq Rəssamlar Günü kimi qeyd olunur
8 Dekabr -Beynəlxalq Rəssamlar Günü kimi qeyd olunur. Bu əlamətdar gün ilə bağlı olaraq məktəbin Təsviri incəsənət müəllimi rəssam Əlizadə Fidan tərəfindən 5b sinfində rəssamlığın səciyyəvi xüsusiyyətlərindən, incəliklərindən bəhs olunan və şagirdlərin də ayrıca marağına səbəb olan dərs təşkil olundu. Belə ki, əvvəlcə, müəllim əyani vasitələrlə ilkin rəsm çəkmək bacarıqlarının alqoritmindən bəhs etdi, daha sonra isə əyani şəkildə özünün müəllifi olduğu rəsm əsərləri üzərində qeyd etdiyi prosedur qaydalarını tətbiq etdi. Müəllimin bu təşəbbüsü şagirdlər üçün həm cəlbedici, həm də öyrədici olmağı ilə yadda qaldı. Nəticədə onlar bu sənətin sirlərini bir rəssamdan eşidərək ətraflı şəkildə məlumatlandırıldılar.
