Vətən müharibəsində qazanılmış şanlı zəfərimizə həsr olunmuş təşkilat saatı keçirilmişdir
Məktəbdə Azərbaycan dili və ədəbiyyat fənnini tədris edən Aytən Bağıyeva tərəfindən sinif rəhbəri olduğu 5b sinfində Vətən müharibəsində qazanılmış şanlı zəfərimizə həsr olunmuş təşkilat saatı keçirilmişdir. Təşkilat saatında müəllimin rəhbərliyi ilə "44 günlük zəfər yolu" başlığı ilə şagirdlər tərəfindən divar qəzeti hazırlanmışdır. Hər bir şagird öz növbəsində divar qəzetinin müvafiq guşəsinə bir şəhidimizin şəklini yapışdırmış, digər guşəsinə isə qəhrəman oğullarımızın ünvanına deyilmiş öz ürək sözlərinin, Vətən müharibəsi haqqında olan düşüncələrinin əks olunduğu rəngli kağızları yerləşdirdi. Onların bu fəaliyyəti bir daha sübut etdi ki, Vətənin azadlığı naminə canını fəda etmiş igidlərimiz heç vaxt unudulmayacaq, hər birimizin yaddaşında əbədi qalacaqdır.
