30 Noyabr Ümumdünya Ev Heyvanları Günü kimi qeyd olunur
Təqvimdə 30 Noyabr Ümumdünya Ev Heyvanları Günü kimi qeyd olunur. Dünyanın müxtəlif ölkələrində bu əlamətdar gün ilə bağlı çoxsaylı tədbirlər keçirilir. Böyük təəssüf hissi ilə bildirilməlidir ki, müasir dövrümüzdə bəzi hallarda heyvanlara qarşı çox laqeyd davranılır, hətta işgəncələrə məruz qalanları da az deyildir. Şagirdlərdə heyvanlara qarşı qayğı və mərhəmət hissini aşılamaq, onların bizim həyatımızda müəyyən bir rola malik olduğunu dərk etmələrini təmin etmək üçün məktəbin biologiya müəllimi Gülbəniz Qocayeva "Heyvanları qoruyaq" mövzusu üzrə təşkilat saatı keçirmişdir. Mövzuya uyğun ev heyvanları haqqında söhbətlər aparan müəllim onların hər zaman biz insanların rəhminə, diqqətinə, şəfqətinə ehtiyacı olduğunu vurğuladı.
