Günə hüznlü xəbərlə başladıq
Bu gün 36 nömrəli məktəb günə kədərli bir xəbərlə başladı. Hal-hazırda təqaüddə olan, lakin ömrünün yarıdan çoxunu müəllimliyə, şagirdlərin təhsilinə həsr edən, kiçikdən-böyüyə hər kəsin sevimlisi Yusifov Salman dünyasını dəyişmişdir. Bütün məktəb olaraq həm kollektivi , həm də şagirdləri dərindən sarsıdan bu acı xəbər hər birimizi hüznləndirdi. Salman müəllim yaddaşlarda həmişə qayğıkeş bir müəllim, ömrünü şamtək yanaraq elmə həsr etmiş pedaqoq kimi qalacaqdır. Məktəbin direktoru Gülnarə Cəfərova, Həmkarlar İttifaqı Sədri Aida Mahmudova və bütün pedaqoji heyət adından əmək fəaliyyətinin 40 ildən çoxu 36 nömrəli məktəblə bağlı olan Salman müəllimə Allahdan rəhmət, ailəsinə və yaxınlarına səbir diləyirik. Allah rəhmət eləsin!
