"Şuşa, sən azadsan" sənədli filminin siniflərdə nümayişinə start verilmişdir
Məktəbin Həmkarlar İttifaqı Komitəsinin sədri Aida Mahmudovanın təşkilatçılığı ilə Zəfər ayına dair fəaliyyət planı çərçivəsində 15.11.21-ci tarixdən "Şuşa, sən azadsan" sənədli filminin siniflərdə nümayişinə start verilmişdir. 5-11-ci siniflərin növbəli şəkildə izlədiyi bu film Vətən müharibəsini ən gerçək təsvirlərlə təcəssüm etdirməklə yanaşı, şagirdlərdə böyük vətənpərvərlik ruhu aşılamışdır. Şagirdlər film boyu Qarabağın döyünən ürəyi olan Şuşanın misilsiz relyefi və əsrarəngiz təbiətinin yer aldığı real kadrlara baxarkən öz heyrətlərini gizləyə bilmir, Şuşa əməliyyatının təfərrüatlarını Vətən Müharibəsi Qəhrəmanlarının dilindən eşitdikcə sonsuz qürur hissi keçirirdilər. Hər bir sinif filmi izlədikdən sonra sinif rəhbəri tərəfindən müzakirələr təşkil edilmiş, şagirdlər də öz növbələrində təəssüratlarını bölüşmüşdürlər.
