Qubadlının azad edilməsindən 1 il ötür
Misilsiz təbiəti ilə seçilən, Vətənin dilbər guşələrindən olan doğma Qubadlının müzəffər ordumuz tərəfindən böyük şücaət göstərilərək düşmən tapdağından azad edilməsindən 1 il ötür. Bu əlamətdar gün münasibətilə məktəbin biologiya müəllimi Aida Mahmudova tərəfindən 8a sinfində təşkilat saatı keçirildi. Təşkilat saatında şagirdlər tərəfindən Qubadlının azadlığı uğrunda şəhidlik zirvəsinə ucalmış igid oğullarımız haqqında təqdimatlar edildi, ünvanlarına şeirlər səsləndirildi və qələbə qoxan o unudulmaz günlərin təsvirini canlandıran səhnəciklər nümayiş olundu. Sonda isə məktəbin direktoru Gülnarə Cəfərova Vətən müharibəsi zamanı, hər bir qarış torpağımızın azad edilməsi zamanı bir xalq olaraq, ana olaraq, ata olaraq, ovlad olaraq ürəyimizin Vətənlə döyündüyü o günləri şərh edərkən bu tarixi qələbənin necə dərin məna kəsb etdiyini, necə böyük bir qürur mənbəyi olduğunu bir daha şagirdlərin diqqətinə çatdırdı.
