Qələbə ruhlu sərgi
Məktəbin Fəaliyyət planına əsasən Zəfər ayı çərçivəsində 44 günlük Vətən müharibəsinə həsr edilmiş sərgi təşkil olunmuşdur. Sərgidə nümayiş etdirilən rəsm əsərlərində müharibə dövrünü əks etdirən, qalib yurdumuzun, Qarabağın döyünən ürəyi olan Şuşamızın, bənzərsiz təbiətinin təsvirləri öz əksini tapmışdır. İstedadlı şagirdlərimizin əl işlərindən ibarət kiçik maket və incəsənət nümunələrinin də yer aldığı sərgi istər məktəb heyətinin, istər şagird kontingentinin, istərsə də tədbirlərlə bağlı məktəbə dəvət olunan qonaqların geniş marağına səbəb oldu. Eyni zamanda şagirdlər tərəfindən hazırlanan qələbə ruhlu divar qəzetləri də foyedə öz yerini almışdı.
