Hərbi rəhbərimiz təltif edilib
Hərbi rəhbərimiz Rəfail Quliyev Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti tərəfindən Beynəlxalq Müəllimlər Günü münasibətilə pedaqoji fəaliyyətində fərqləndiyinə və 44 günlük Vətən müharibəsində Səfərbərlik və Hərbi Xidmətə Çağırış üzrə Dövlət Xidmətinin Nərimanov rayon idarəsinə köməklik göstərdiyinə görə Fəxri fərman ilə təltif olunmuşdur. Həmvətənlərimizin qəlbində olan sonsuz yurd sevgisinin ən bariz nümunəsidir ki, zəfər yolunda öz şərəfli vəzifəsini peşəkarlıqla yerinə yetirən müəllimlərimiz təkcə tədris müəssisələrində fəaliyyət göstərməklə kifayətlənməmiş, cəbhədə də düşmənə layiqincə dərs verməyi bacarmışdır. Rəfail müəllimi ürəkdən təbrik edir, gələcək fəaliyyətində uğurlar arzu edirik.
