Məzunumuzun uğuru
Məktəbin 2020/2021-ci il məzunu Kazımova Nazxanım 7-ci Onlayn Avropa Coğrafiya Olimpiadasında uğur qazanaraq ən yaxşı performans göstərən iştirakçılar sırasında yer alaraq sertifikatla təltif olunmuşdur. Qeyd edirik ki, o, intellektual səviyyəsi, biliyi, bacarığı və istedadına görə daima məktəbin seçilən şagirdlərindən biri olmuşdur. Cari ilin məzunu olan Nazxanım Dövlət İmtahan Mərkəzinin keçirdiyi qəbul imtahanında 400 bal toplayaraq Azərbaycan Dövlət İqtisad Universitetinin "İqtisadiyyat" fakültəsinə qəbul olaraq tələbə adını qazanmışdır. Baxmayaraq ki, artıq məzun olub, amma hələ də xoş müjdələri məktəbə gəlməyə davam edir. Şagirdimizi səmimi qəlbdən təbrik edir, gələcək fəaliyyətində ona müvəffəqiyyətlər arzu edirik.
