Məktəbin fəxri məzunu- Vəliyev Oruc 1994-cü il iyul ayının 13-də Gəncə şəhərində dünyaya göz açmışdır. Vətənin müdafiəsinə könüllü yollanan Oruc Murov yüksəkliyi uğrunda gedən döyüşlərdə doğma torpaqlarımızın azad olunması üçün canını fəda edərək qəhrəmancasına şəhidlik zirvəsinə ucalmışdır. Qeyd edirik ki, Oruc döyüşə getməzdən əvvəl məktəbin digər fəxri məzunu Aprel döyüşlərində böyük şücaət göstərərək Şəhid olmuş sinif yoldaşı- Mahir Mirzəyevin qəbrini ziyarət etmişdir. Şəhidimizin sözlərinə görə ailənin tək övladı, valideynlərinin yeganə ümid yeri olması belə onun ordu sıralarına qoşulmasına, qürur hissi ilə döyüşə getməsinə maneə deyildi. Oruc Gəncə şəhərinin Şəhidlər xiyabanında torpağa tapşırılmışdır. Şəhadətin mübarək, ruhun şad olsun, Əziz Oruc, məzunu olduğun 36 nömrəli tam orta məktəb səninlə fəxr edir. Dərin hüznlə ailəsinə başsağlığı verir, belə nümunəvi, mərd, qorxmaz bir övlad böyütdükləri üçün valideynlərinə minnətdarlığımızı bildirir, onlara Allahdan səbir diləyirik!
