Qəhrəman General Polad Həşimov yad olundu.
2 yanvar Azərbaycan tarixinin şanlı səhifələrinə adını qızıl hərflərlə yazan mərdliyi, igidliyi ilə qəlbləri fəth edən "Azərbaycanın Milli Qəhrəmanı" Polad Həşimovun doğum günüdür. Məktəbin Azərbaycan dili və ədəbiyyat müəllimi Aytən Bağıyeva Milli Qəhrəmanımız Polad Həşimova həsr etdiyi dərsini intellektual yarış formasında təşkil etdi. "Bamboozle" aləti vasitəsi ilə keçirilən yarışda şagirdlər 4 komandaya bölünmüşdü. Qeyd edirik ki, yarışı izləməyə məktəbin rəhbərliyi və 5c sinfinin rəhbəri Şəhla Əhmədova da qoşulmuşdu. Məktəbin rəhbəri şagirdlərə Vətənin tarixini və qəhrəmanlarını yaxşı tanıyan, dövlətinə sadiq bir vətəndaşlar olaraq yetişmələrini arzu etdiyini bildirərək öz tövsiyələri ilə şagirdlərdə vərənpərvərlik ruhu aşıladı. Həyəcanlı və maraqlı yarışma daxilində tərtib olunan bütün suallar Polad Həşimovun həyatı və hərbi fəaliyyəti ilə bağlı idi. Sonda isə şagirdlər Polad Generalımıza həsr etdikləri rəsm əsərlərini nümayiş etdirdilər.
