Məktəbdəki xatirələrdən bəhs edən "Ömürdən sətirlər" kitabı
Respublikanın Əməkdar müəllimi, kollektivin sevimlisi Hüseynova Solmaz müəllimə məktəb haqqında xatirələr və şeirlər toplusundan ibarət "Ömürdən sətirlər" adlı kitab tərtib etmişdir. Kitabda elm ocağında yaşanmış ən unudulmaz anlar sətirlərə köçürülərək əbədiləşdirilmişdir. Həm Solmaz müəllimənin peşəkarlığının , həm də onun bu il məzun olan 11A sinfinin şagirdlərinin səmimi hislərindən doğan sevginin nəticəsi olaraq ərsəyə gələn bu kitab hər bir şagirdin yaddaşında dərin iz buraxacaq, vərəqləndiyində saf duyğuların təcəssümü ilə dolan sətirlər onları məktəb illərinə- o qayğısız illərə qayıtmağa səsləyəcək.
