Respublika fənn olimpiadalarının məktəb turu
Respublika Fənn Olimpiadaları ümumtəhsil müəssisələrinin 8-11-ci sinif şagirdləri arasında ayrı-ayrı fənlər üzrə xüsusi istedadı olan şagirdlərin aşkarlanması, onların bilik və bacarıqlarının qiymətləndirilməsi, şagirdlərin həmin fənlərə olan maraqlarının artırılması məqsədilə, hər il keçirilən, ölkənin bütün şəhər və rayonlarının məktəblərini əhatə edən elm yarışıdır.
Buna əsasən, 16 yanvar Microsoft Teams platforması üzərindən onlayn formada VIII, IX, X, XI sinif şagirdləri arasında Respublika fənn olimpiadalarının məktəb turu təşkil olunub. Olimpiada, Azərbaycan dili və ədəbiyyat, riyaziyyat, fizika, kimya, biologiya, tarix fənnləri üzrə keçirilib.
Olimpiadanın uğurlu təşkilində əməyi keçən bütün müəllimlərə təşəkkür edirik. Şagirdlərə uğurlu nəticələr arzulayırıq.
