Məktəbimizdə Son Zəng
Azərbaycan Respublikası Elm və Təhsil nazirinin əmrinə əsasən hər il 14 iyun tarixində respublika məktəblərində “ Son Zəng ” tədbiri keçirilir.
Məktəbimizin 187 şagirdi 2022/2023 – cü tədris ilinin 11 – ci siniflərindən məzun olmuşlar.
Məktəbimizdə təşkil edilən “ Son Zəng “ tədbirində Xəzər Rayon İcra Hakimiyyətinin və Buzovna Qəsəbə Nümayəndəliyinin əməkdaşları, Şəhid anaları, müharibə iştirakçıları, Qəsəbənin idarə, müəssisə rəhbərləri, ağsaqqallar iştirak etmişlər.
“ Son Zəng ” tədbiri Azərbaycan Respublikasının Dövlət Himni ilə başlayıb.
“ Son Zəng ” tədbirini açıq elan edən məktəbin direktoru Taleh müəllim Şahbazov tədbirdə iştirak edən qonaqları təqdim etmiş, tədris ili ərzində məktəbin fəaliyyətindən danışıb.
Məzunlar hazırladıqları rəqs, mahnı və ədəbi – bədii kompozisiyalar nümayiş etdirmişlər.
Şəhid V.İsmayılzadənin anası Lalə müəllim, şəhid Ə.Əkbərovun anası Dürdanə xanım və digər qonaqlar çıxış edərək məzunlara öz arzularını bildiriblər.
“ Son Zəng ” tədbirinə yekun vuran məktəbin direktoru Taleh müəllim Şahbazov “ Buraxılış imtahanı ”nda 200 balı keçən 13 şagirdə “ Fəxri Fərman ” təqdim etmiş və bütün məzunlara gələcək həyatlarında uğurlar arzulamışdır.
