322 №-li tam orta məktəb

Tarixən hər bir xalqda olduğu kimi Azərbaycan xalqının da dahi şəxsiyyətləri müəllimə ən yüksək qiymət veriblər.

Məktəbimizdə sıra təlimi zamanı “ 5 oktyabr – Beynəlxalq Müəllimlər Günü “nə həsr olunmuş tədbir keçirilib.

Tədbirdə məktəbin direktoru Taleh müəllim Şahbazov hər bir müəllimi təbrik edib, çətin və şərəfli işlərində uğurlar arzulayıb.

Şagirdlər isə öyrəndikləri şeirlərlə müəllimləri təbrik ediblər.

Məktəbimizdə idmanın inkişafına həmişə diqqətlə yanaşılır.

Xəzər Rayon Gənclər İdarəsinin təşkilatçılığı ilə Xəzər rayon məktəbliləri (qızlar) arasında voleybol yarışı keçirilib.

Məktəbimizin voleybol komandası məktəblilər arasında III yeri tutublar.

Məktəbin direktoru Taleh müəllim Şahbazov komanda üzvlərini təbrik edib, gələcək yarışlarda uğurlar arzulayıb.

Oktyabrın 1-də dövlət ümumi təhsil müəssisələrindəki məktəbəhazırlıq qruplarında məşğələlərə start verilib.

2024-2025-ci tədris ilində Bakı Şəhəri üzrə Təhsil İdarəsinin tabeliyindəki 287 ümumi təhsil müəssisəsinin məktəbəhazırlıq qruplarına 23 438  uşaq qeydiyyatdan keçib.

Qeyd edək ki, dövlət ümumi təhsil məktəblərində yaradılan məktəbəhazırlıq qruplarında həftədə 4 gün olmaqla 12 məşğələ keçirilir. Məktəbəhazırlıq qruplarında dərs məşğələləri “Ətraf aləmlə tanışlıq”, “Savad təliminə hazırlıq və nitq inkişafı”, “Bədii təfəkkürün inkişafı”, “Məntiqi və riyazi təfəkkürün inkişafı”, “Təsviri fəaliyyət”, “Musiqi” və “Fiziki mədəniyyət”dən ibarətdir.

Onu da qeyd edək ki, məktəbhazırlıq qruplarının yaradılmasında məqsəd 5 yaşlı uşaqların hazırlığı ilə əlaqədar psixoloji dayanıqlığını artırmaq, təhsil mühitinə uyğunlaşdırmaq, onların ünsiyyət və birgə fəaliyyət bacarıqlarına yiyələnməsini təmin etməkdən ibarətdir.

27 sentyabr tarixində “ Anım Günü “nə həsr olunmuş konfrans keçirilib. Konfransda məktəb rəhbərliyi, Şəhid Vüsal İsmayılzadınin anası Lalə müəllim, Şəhid Əmrah Əkbərovun anası Dürdanə xanım, müəllimlər və şagirdlər iştirak ediblər.

Konfransda çıxış edən məktəbin direktoru Taleh müəllim Şahbazov şanlı Azərbaycan ordusunun keçdiyi zəfər yolundan ətraflı danışıb.

Şagirdlər tərəfindən hazırlanan slaydlar iştirakçılara göstərilib, dövrün tarixi – həqiqətləri haqqında ətraflı məlumat veriblər.

Bakı Şəhəri üzrə Təhsil İdarəsinin (BŞTİ) tabeliyindəki ümumi təhsil müəssisələrində 27 Sentyabr - Anım Günü ilə bağlı tədbirlər təşkil olunub.

Qalibiyyət və vətənpərvərlik ruhunda təşkil edilən tədbirlərdə Vətən Müharibəsi şəhidlərinin əziz xatirəsi bir dəqiqəlik sükutla yad edilib, Anım Günü barədə şagirdlərə ətraflı məlumat verilib.

Bildirilib ki, Prezident İlham Əliyevin 2020-ci il 2 dekabr tarixli Sərəncamına əsasən təsis edilən Anım Günü Vətən Müharibəsində qəhrəmancasına döyüşən, ölkəmizin ərazi bütövlüyü uğrunda canlarından keçən əsgər və zabitlərimizə, bütün şəhidlərimizə dərin ehtiramın ifadəsidir.

Tədbirlərdə, həmçinin Vətən Müharibəsində qazanılan qələbədən sonra Qarabağda böyük abadlıq və quruculuq işlərinin başlanması, işğaldan azad edilən torpaqlarımızın yenidən bərpa olunması, dövlət başçısının Sərəncamına əsasən, hər il sentyabrın 20-nin Azərbaycan Respublikasında Dövlət Suverenliyi Günü kimi qeyd edilməsi barədə məlumatlar şagirdlərin diqqətinə çatdırılıb.

Qeyd edək ki, təhsil müəssisələrində şәhidlәrin xatirәsinә hәsr olunan ağacәkmә kampaniyaları və şәhidlәrin ailәlәri ilә görüşlәr də keçirilib. Bundan başqa, şagirdlərin Vətən Müharibəsi Memorial Kompleksinə, Hәrbi Qәnimәtlәr Parkı, Şəhidlər Xiyabanı və İkinci Fəxri Xiyabana ekskursiyaları da təşkil olunub.