322 №-li tam orta məktəb

Taleh Şahbazov Nəsirulla
Direktor

Taleh Şahbazov Nəsirulla
Vəzifə: Direktor
Fənn: Azərbaycan tarixi, Həyat bilgisi, Tarix, Ümumi tarix
Bitirdiyi təhsil müəssisəsi: Bakı Dövlət Universiteti
Təvəllüd: 05.02.1985
İlk fəaliyyət ili: 14.09.2017
E-mail: [email protected]

2003-2007-ci illərdə Bakı Dövlət Universitetinin tarix fakultəsində bakalavr təhsili almışdır. 2007-ci ildə sözügedən universiteti “Fəqlənmə” diplomu ilə bitirib, “tarixçi” ixtisasına yiyələnmişdir. 2007-ci ildə Lerik rayonu Ə.Musayev adına Vizəzəmin kənd tam orta məktəbində “tarix müəllimi” kimi pedaqoji fəaliyyətə başlamışdır. 2008-2011-ci illərdə Sumqayıt Dövlət Universitetində Magistratura pilləsini “Fərqlənmə” diplomu ilə bitirib, “Tarixi Politologiya" ixtisasına yiyələnmişdir. 2011-ci ildə Müəllimlərin işə qəbul imtahanında iştirak edərək, Bakı Şəhəri Sabunçu rayonu F.Bayramov adına 22 nömrəli tam orta məktəbdə tarix müəllimi kimi fəaliyyətini davam etdirmişdir. 2013-ci ildə Müəllimlərin işə qəbul imtahanında yenidən iştirak edərək, Respublikada ən yüksək bal toplayaraq (36.9 bal) Bakı Şəhəri Nizami rayonu 289 nömrəli tam orta məktəbin (Zəngi Liseyi) tarix müəlimi kimi fəaliyyətini davam etdirmişdir. 14.12.2013-cü ildə Heydər Əliyev Mərkəzində keçirilən “Azərbaycan müəllimlərinin XIV qurultayı”nda məruzə ilə çıxış etmişdir. 2015-2017-ci illərdə Bakı Şəhəri Sabunçu rayonu 192 nömrəli tam orta məktəbdə Təlim-tərbiyə işləri üzrə direktor müavini işləmişdir. 2017-ci il 14 sentyabr tarixindən 2022-ci ilin sentyabrınadək 69 nömrəli tam orta məktəbdə direktor vəzifəsində çalışmışdır. Fəaliyyəti dövründə: 1. 2009-cu ildə Magistrantların IX Respublika Elmi Konfransında fəal iştirakına görə “Fəxri Fərmanla” təltif olunmuşdur. 2. 2011-ci ildə Azərbaycan Təhsil İşçiləri Azad Həmkarlar İttifaqı tərəfindən pedaqoji fəaliyyətindəki uğurlara görə “Fəxri Fərmanla” təltif olunmuşdur. 3. 2012-ci ildə “Yeni fənn kurikulumlarının” tətbiqi üzrə “Sertifikat” almışdır. 4. 2013-cü ildə “Həyat bilgisi” fənni üzrə Birinci dərəcəli “Sertifikat” almışdır. 5. 2013-cü ildə “Öyrədənlərin Öyrədəni” təlim kursunu keçərək təlimçi statusu və “Sertifikat” almışdır. 6. 31.05.2014-cü ildə “Bu Günün və Sabahın Direktorları” təlim kursunu müvəfəqiyyətlə tamamlayaraq “Sertifikat” almışdır. 7. 15.12.2016-ci ildə İnnovasiyalar üzrə təlim kursunun keçərək “Sertifikat” almışdır. 8. 2019-cu ilin noyabrında Azərbaycan Respublikası Gənclər və İdman Nazirliyi tərəfindən “Fəxri Fərmanla” təltif olunmuşdur. 9. 07.09.2019 - 20.12.2019-cu il tarixlərində Azərbaycan Diplomatik Akademiyasında “Məktəb idarəçiləri üçün məlumat əsaslı qərar vermə” layihəsi çərçivəsində “Data Analitikası” fənnini müvəffəqiyyətlə bitirərək “Məzun Sertifikatı” almışdır. 10. 03.10.2019-cu il Bakı Şəhəri üzrə Təhsil İdarəsinin F-323 №li əmri ilə Təhsil müəssisələrinin idarə olunmasında yüksək fəaliyyətinə, idarəçilik səriştəsinə, gənc nəslin təlim-tərbiyəsində əldə etdiyi yüksək nəticələrə görə “Fəxri Fərmanla” təltif olunmuşdur. 11. 29.12.2020-ci il Bakı Şəhəri üzrə Təhsil İdarəsinin F-268 №li əmri ilə Səmərəli fəaliyyəti və təşəbbüskarlığı ilə fərqləndiyi üçün “Fəxri Fərmanla” təltif olunmuşdur. Azərbaycan Respublikası Elm və Təhsil nazirinin 05.09.2022 - ci il tarixli K - 937/1 nömrəli əmrinə əsasən Taleh Şahbazov Bakı şəhəri 322 nömrəli tam orta məktəbə direktor təyin olunmuşdur. Hal hazırda sözügedən məktəbin direktorudur. Ailəlidir. İki övladı var.