Bir kərə yüksələn bayraq,bir daha enməz!
24.05.24-cü il tarixində məktəbin tarix müəllimi F.Ağamalıyevanın təşkilatçılığı ilə “28 May - Respublika günü” adlı tədbir keçirildi. Tədbir Azərbaycan Respublikasının Dövlət Himni ilə başladı. Flora müəllim ADR haqqında geniş məlumat verdi. AXC -nin yarandığı tarixi şəraitdən,müstəqillik yolunda qazandığımız uğurlardan,müasir Azərbaycanın beynəlxalq arenadakı mövqeyindən danışdı. Məktəbin hərbi rəhbəri B.İsgəndərov o vaxtki dövrün hərbi quruculuq islahatları barədə şagirdlərə məlumat verdi. Eyni zamanda məktəbin direktoru M.Poladova şanlı tariximiz haqqında geniş məruzə ilə çıxış etdi. Cəmi 23 ay yaşayan ADR-in müstəqilliyimiz üçün möhkəm bünövrə yaratdığını vurğuladı. Sonda şagirdlərin hazırladıqları bədii nümunələrə tamaşa edildi.
