30 №-Lİ TAM ORTA MƏKTƏB

    21.10.24-cü il tarixdə məktəbin 8B sinif şagirdləri fənn müəllimi Musayeva Gülüstanın rəhbərliyi altında "Ətraf mühitin sağlamlaşdırılması" ilə bağlı ağacəkmə aksiyasında iştirak etdilər. Ağacəkmənin məqsədi ətraf mühitin yaşıllaşdırılması, ekoloji tarazılığın qorunmasını təmin etmək idi.

    21.10.24-cü il tarixdə 3C sinfi iqlim dəyişikliyi və COP-29 -la bağlı maarifləndirici filmə baxdılar. Film qlobal istiləşmə və onun doğurduğu fəsadalardan bəhs edirdi. Şagirdlər filmi izlədikdən sonra müzakirəsi həyata keçirildi.

    Bu gün məktəbimizdə Azərbaycan dili müəllimi Mirzəyeva Şəhlanın rəhbərliyi ilə ətraf mühitin qorunmasına dair tədbir keçirildi. Tədbirdə iştirak edən 6B,7C,9B sinif şagirdləri canlı təbiətin qorunması ilə bağlı Nizami Gəncəvinin "Yeddi gözəl" və "Leyli və Məcnun" əsərlərindən fikirlər söylədilər.

    Bu gün məktəbimizdə Dövlət Müstəqilliyinin Bərpası Günü münasibətilə 9B və 10 C siniflərinin də iştirakı ilə dəyirmi masa keçirildi.

    Konstitusiya Aktına əsasən 1991-ci il oktyabrın 18-də xalqımız öz müstəqilliyini bərpa etmişdir. Bu haqda geniş məlumat verən məktəbin direktoru Mehriban Poladova Ümummilli Lider Heydər Əliyevin hakimiyyətə qayıdışından sonra müstəqilliyimizin qoruyub və inkişaf etdirməyin mümkün olduğundan danışmış, məhz Azərbaycan Respublikası Prezidentinin "Dəmir yumruq" əməliyyatnın sayəsində xalqımız bu günü öz ərazi bütövlüyünü bərpa etmiş qalib xalq kimi qeyd etdiyini vurğulamışdır.

    II c sinif şagirdi Musayev Zaman Səxavət oğlu Müəllimlər Gününə həsr olunmuş klublararası turnirdə və Karate üzrə Reytinq turnirində I yerə layiq görülmüşdür.

    Bu münasibətlə şagirdimizi məktəbin direktoru Mehriban Poladova təbrik etmiş və ona gələcək müsabiqələrdə də uğurlar arzulamışdır.